Die ekologiese krisis is vinnig besig om die vernaamste politieke wêreldvraagstuk van ons tyd te word. Maar hoe raak dit gemeenskappe? En kan gemeenskappe ’n oplossing vir die krisis wees? Die antwoorde op hierdie vrae kom van drie leidende Afrikaanse denkers: Ernst Conradie, Suid-Afrika se voorste eko-teoloog; Auke Compaan, wie se werk oor die verbruikersamelewing en die media al hoe meer aandag trek; en Danie Goosen, wat pas met sy nuwe boek, Die Nihilisme, ’n nuwe standaard in Afrikaanse denke gestel het. Saam nooi hierdie drie skrywers ons uit om met ander oë na die ekologie, religie en gemeenskap te kyk.