blik.co.za   gebeure   meer   byvoeg  
Platforms en Merkers
Hierdie artikel is deel van 'n versameling artikels wat gehuisves word by Blik met die doel om dit digitaal te bewaar en beskikbaar te stel.
* Indeks van artikels


Gedig: verlossing 2006-12-11
Adèl Steyn

daardie nag in ’n louwarm

hospitaal

het die lewe jou uit my uit gebeur

 

en dadelik gaan my grypende hande uit

en neem ek jou in

my biesiemandjiearms

 

jy lê teen my

met bloed gemerk

 

maar meteens moet jy gaan

hulle moet jou

weeg en meet en beskryf

 

my van jou afwas

 

jou dan vir ’n oomblik terugbring

–       soos prosedure vra –

tot jy weer rammelend weggestoot word

na ’n onherbergsame plek

belig en skoon

 

ek druk die klokkie

 

“bring haar vir my

 ek ken iemand om haar te soog”



 


Oorspronklike Vrye Afrikaan adres: http://www.vryeafrikaan.co.za/lees.php?id=778
Artikel nagegaan:
    -