Ofskoon president Thabo Mbeki aan die einde van Junie die voorgestelde wetswysigings betreffende die onafhanklikheid van die regbank voorlopig gestuit het, wil dit nie sê dit gaan nie gebeur nie. Daarom plaas Die Vrye Afrikaan in hierdie dossier – “Die onafhanklikheid van die regbank” – twee artikels deur ´n regter, Eberhard Bertelsman, en ´n politieke wetenskaplike, Pieter Labuschagne, wat ´n netjiese rekord van die omvang van die voorgestelde wysigings gee. Die dossier word ingelei deur die regsfilosoof, Koos Malan, se verduideliking van waarom die regbank polities selfs in die beste demokrasie allesbehalwe onafhanklik is.