blik.co.za   gebeure   meer   byvoeg  
Platforms en Merkers
Hierdie artikel is deel van 'n versameling artikels wat gehuisves word by Blik met die doel om dit digitaal te bewaar en beskikbaar te stel.
* Indeks van artikels


Gedig: A, grootsheid van denne 2006-02-15
Pablo Neruda

A, grootsheid van denne, gerug van brekende branders,

langsame spel van ligte, allenige klok,

skemerte wat in jou oƫ val, speelpop,

aardse slak, die aarde sing in jou!


Riviere sing in jou en my siel vloei daarmee saam

soos dit jou behaag en tot waar jy wil.

Mik my pad al langs jou boog van hoop oop

en ylings sal ek my vlug pyle bevry.


Reg rondom my kom kleef jou gordel mis

en jou stilte verjaag my vervolgde ure,

en dis jy met jou arms van deursigtige steen

waar my soene veranker en my vogtige drif sloep.


A, jou geheime stem deur die liefde geklepel en verdubbel

in die weerklinkende en sterwende vooraand!

So het ek in die diep ure oor die lande gesien

hoe mieliestronke lui in die wind se mond.


- Uit die Spaans vertaal deur Henry September

 

 


Oorspronklike Vrye Afrikaan adres: http://www.vryeafrikaan.co.za/lees.php?id=466
Artikel nagegaan:
    -