Die opskrif van die artikel moes seker reeds as waarskuwing gedien het dat die artikel nie 'n gebalanseerde mening sou weerspieël nie. Onaanvaarbaar egter is die sin "(Ofskoon dié verklaring volgens Die Burger op die webwerf van die US sou verskyn, kon Die Vrye Afrikaan dit nie vind nie, en bespiegel ons liefs nie hieroor nie…)", wat op verdagmakery dui. Die artikel verskyn inderdaad op die US-webblad [http://www.sun.ac.za/News/MatiesNewsItem_Afr.asp?Lang=1&ItemID=8973&Zone=AEX] en is toeganklik vir diegene wat die baie prominente skakel regs op die webblad druk. Hierdie ooglopende oorsig plaas u tydskrif en die saak waarvoor dit veronderstel is om te staan, onder verdenking.

Dankie vir u korreksie van ons oorsig. Eerder as om Die Vrye Afrikaan onder verdenking te stel, is die vraag waarom die historiese vertrouensverhouding tussen die US en sy tradisionele voedingsgemeenskap tans so swak is dat ook ons iets sinisters vermoed het waar dit nie was nie. – Red.